O Festival de música Ourenclásica nace co obxectivo de aumentar a oferta de música clásica na cidade de Ourense, con concertos protagonizados por músicos con sólida traxectoria internacional e poñendo en especial valor aos propios intérpretes galegos.

​

A primeira edición do Festival estará dedicada especialmente á música española, con tres concertos que contarán cun amplo elenco de compositores españois, como I. Albéniz, M. Fernández Caballero, A. García Abril, G. Giménez, F. Obradors, M. Quiroga, J. Rodrigo, P. Sarasate, F. Tárrega, E. Toldrà e J. Turina, ademáis de compositores iberoamericanos e do ámbito operístico.​

​

Quero expresar os meus parabéns ao Ateneo de Ourense pola iniciativa de organizar este Festival, así como o meu agradecemento á Deputación e ao Teatro Principal de Ourense pola súa axuda para que este Festival sexa posible.